الليل بيبكي.. شعر أميمة القاضى

الليل بيبكى والحزن حاضن سكاتى
وأنا تايه بين شوارع الأمل
بلم الندم من القلوب اللى سابت أثر

ومن قلب داب من شكوته لليل
اللى دارانى مرة فى عتمته
لما كنت هربان من دمعتى
لحسن تاخدنى فى حضنها الغريق
لسه فاكر يالليل
لما فتحت فى وشى الطريق
بكلمة اتكتبت بين السطور
متقطعة أربع حروف
فاكر يا خوف
لما كنت تشكى للظروف
وترمى نفسك فى أحضان القدر
وكان الليل يسمع ولا يحكيش
غير للندم اللى بنا البيوت جوانا
من الألم