بلاش تمشي.. شعر أحمد عزب
وقالت
كأنك فليم عربي قديم
وأنا شادية
سعادتك ليا كنت حليم
فـ كدر بعيد يبان ليا فـ قلبي كسور
لاقيتني بثور على حبك واقول حباك
وكان شكلك صحيح بهتان
لكن جوايا أكيد شيفاك
لاقيتك جاي
لاقيتك ناي بيعزفني
دموع علي خد تعرفني
تقول هي عليها الدور
فـ قلبي دق انا من الخوف
وكل اللي فيا كان مرجوف
فترسمني طريق مسدود
منشورات مشابهة
فشوفك عود
وكائن الحزن وتر مشدود يسبب جرح لـ صباعي
وفجأة تمشي وبسرعه
فـ نادي عليك من الخنقه
كفايه ياسيدي بقي راعي
انا مش حمل لحن غياب
انا والله مش عايزاك
لاكن قلبي بعيد عنك فيك اهو داب
خلينا اصحاب بلاش تمشي
يا اجمل اسم بات فـ القلب
واصعب فرقه على رمشي
بلاش تمشي